Pavlodarda alaıaqtarǵa «kómektesken» alty adam ustaldy
ASTANA. KAZINFORM — Pavlodar óńirinde «Anti-Fraud» jedel-profılaktıkalyq is-sharasy ótip jatyr. Onyń negizgi maqsaty — ınternet arqyly azamattardy aldap júrgen tulǵalardy anyqtaý jáne olardyń jolyn kesý.
Pavlodarlyq jedel qyzmetkerlerdiń nátıjeli jumysynyń arqasynda búginde ınternet paıdalanýshylaryna qatysty jasalǵan 98 alaıaqtyq deregi áshkerelenip, toqtatyldy.
Jýyrda Pavlodar qalasynda alaıaqtarǵa «kómektesken» alty adam ustaldy. Olar sim-kartalardy rásimdep, «WhatsApp» messendjerinde akkaýnttar tirkep, keıin olarǵa qoljetimdilikti úshinshi tulǵalarǵa bergen. Al óz kezeginde bul akkaýnttar qazaqstandyqtarǵa qońyraý shalyp, aldaý maqsatynda paıdalanylǵan.
Polıtsııa ınternettegi mundaı «jumys» qylmyskerge kómektesý. Іri kompanııalar eshqashan sizdiń bank kartańyzdyń derekterin aqsha «aýdarý» úshin suramaıdy. Abonenttik nómirlerdi «SMM ilgeriletý» úshin jalǵa berý týraly usynystar jalǵan ári qylmystyq shema ekenin eskertedi.
Tártip saqshylary oblys turǵyndaryn saq bolýǵa jáne egde jastaǵy týystarymen mindetti túrde túsindirý jumystaryn júrgizýge shaqyrady.
Eske sala keteıik, atalǵan profılaktıkalyq is-shara 30 sáýirge deıin jalǵasady.
Aıta ketelik Almatyda telefon alaıaqtyǵyna qatysy bar qylmystyq top ustaldy.
