Pavlodarda alaıaq jumysqa turǵyzamyn dep turǵyndardan 200 myń teńgeden jınaǵan
PAVLODAR. QazAqparat - Aqsý aýdandyq ІІB-de adamdarǵa aqshaǵa jumys taýyp beremin dep ýáde etken qala turǵynynyń alaıaqtyq áreketi boıynsha qylmystyq is tergelýde, dep habarlaıdy «QazAqparat» HAA tilshisi.
Pavlodar oblystyq ishki ister departamentiniń baspasóz qyzmeti málimdeýinshe, 1984 jylǵy Aqsý turǵyny qylmys jasady degen kúdikke ilindi. Jábirlenýshiler polıtsııaǵa túsirgen shaǵymdarynda málimdegendeı, kúdikti turǵyndardy qaladaǵy kásiporyndardyń birine jumysqa ornalastyrýǵa ýáde etken. Ol óz qyzmeti úshin ár adamnan qolhat arqyly 200 myń teńge alyp otyrǵan. Alaıda, ol jumysqa turǵyzý boıynsha óz ýádesin oryndamaı, aqshany qaıtarýdan bas tartqan, dep habarlaıdy ІІD.
