Pavlodarda «Alash» qozǵalysynyń júz jyldyǵyna arnalǵan aıtys ótti
PAVLODAR. QazAqparat - S. Toraıǵyrov atyndaǵy Pavlodar memlekettik ýnıversıtetinde «Azattyq tańy - Alashtyń jany» atty respýblıkalyq stýdentter aıtysy ótti, dep habarlady «QazAqparat» HAA tilshisi.
Fınalǵa on úzdik sýryp salma aqyn shyqty, dep habarlady S. Troaıǵyrov atyndaǵy PMÝ baspasóz qyzmetinen. Bas júldege Astana, Almaty, Semeı, Taraz, Qostanaı, Qyzylorda men Pavlodardan kelgen belgili jyr dúldúlderi talasty.
Bıyl aıtys «Alash» qozǵalysynyń júz jyldyǵyn merekeleýge arnaldy.
Aıtys nátıjesi boıynsha úshinshi oryndy pavlodarlyq Mares Baıron, ekinshi oryndy qyzylordalyq aqyn Syrym Ádilbekov ıelendi. Astanalyq sýyryp salma aqyn Nurqanat Qaırat bas júldeni jeńip aldy. Sultanmahmut Toraıǵyrov atyndaǵy arnaıy júlde Semeı aqyny Qýandyq Kenjebekke buıyrdy.
