Pavlodarda Alash qaıratkerlerine arnalǵan mýral ashyldy

PAVLODAR. QazAqparat – Pavlodarda stýdentter úıiniń qabyrǵasynda «Alash» qozǵalysynyń kóshbasshylary beınelendy, dep habarlaıdy QazAqparat.

Pavlodar qalalyq ákimdigi ókilderiniń aıtýynsha, mýraldyń avtory jas sýretshi Laýra Seıtqazınova. Ol 29 jasqa tolmaǵan talantty sýretshiler arasyndaǵy Qazaqstan Respýblıkasy Táýelsizdiginiń 30 jyldyǵy taqyrybynda «Strıt Art» úzdik eskız baıqaýynda jeńimpaz atanǵan.

Pavlodar pedagogıkalyq ýnıversıtetiniń tárbıe isi jáne áleýmettik máseleler jónindegi prorektory Olga Andrıýşenko Pavlodar qalasy ákimdiginiń ókilderine stýdentter úıiniń ǵımaratyn mýraldy beıneleıtin oryn retinde tańdaǵany úshin alǵys aıtty.

«Alash» syılyǵynyń ıegeri, aqyn, qoǵam qaıratkeri, Pavlodar qalasynyń qurmetti azamaty Arman Qanı Kerekýde ashylǵan mýraldyń – óner týyndysy ǵana emes, saıası ıdeologııalyq máni zor kórneki qural bolyp tabylatynyn aıtty.