Pavlodarda alapat quıyn saldarynan zardap shekken turǵyndarǵa qandaı kómek kórsetiledi
PAVLODAR. KAZINFORM — Baspanalary búlingen Qońyrózek aýylynyń turǵyndaryna 100 aılyq eseptik kórsetkish mólsherinde materıaldyq kómek berilmekshi. Sondaı-aq jergilikti kásipkerler men sharýa qojalyqtary qurylys materıaldaryn satyp alýǵa demeýshilik kómek jasaǵan.
Ýspen aýdanynyń ákimi Nurbolat Maqashevtiń aqparynsha, joıqyn quıynnyń saldarynan Qońyrózek aýyldyq okrýginde elektr berý jelileriniń 7 tiregi zaqymdanyp, sonyń saldarynan tórt eldi meken ýaqytsha elektr qýatynsyz qalǵan.
— Búgingi tańda Chıstopol, Voznesen jáne Nadarovka aýyldarynda elektrmen jabdyqtaý tolyq qalpyna keltirildi. Qońyrózek aýylynda apattyq-qalpyna keltirý jumystary táýlik boıy jalǵasýda. Jumystarǵa 25 adam men 8 birlik arnaıy tehnıka jumyldyrylǵan, — dep málimdedi aýdan basshysy.
Aýdandyq tótenshe jaǵdaılar jónindegi komıssııanyń kezekten tys otyrysy ótkizilip, onda obektilik sıpattaǵy tótenshe jaǵdaı jarııalaý týraly sheshim qabyldanǵan.
— Zardap shekken turǵyndarǵa 100 aılyq eseptik kórsetkish mólsherinde materıaldyq kómek kórsetiledi. Sonymen qatar, aýdannyń aýyl sharýashylyǵy taýaryn óndirýshileri qurylys materıaldaryn satyp alýǵa demeýshilik kómek kórsetti, — dep qosty Nurbolat Maqashev.
Elektr energııasynyń ýaqytsha óshirilýine qaramastan, Qońyrózekte aýyzsýmen jabdyqtaý men uıaly baılanys úzdiksiz jumys istep tur. Sondaı-aq, eldi meken kóshelerin tabıǵı apat saldarynan tazartý jumystary jedel túrde júrgizilgen.
Eske sala keteıik, 21 shilde kúni Pavlodar oblysynyń Ýspen aýdanynda kúshti jel saldarynan ınfraqurylym nysandary zaqymdandy.
Tótenshe jaǵdaı qyzmeti Pavlodar óńirinde joıqyn quıyn qaıtalanýy múmkin ekenin eskertip otyr.
