Pavlodarda Aqjar aýyly mańyn tasqyn sý basty - TJD
PAVLODAR. QazAqparat - Pavlodar oblysy Maı aýdany jazyǵynda ornalasqan Aqjar aýylynyń mańyn sý basty, dep habarlady «QazAqparat» HAA tilshisi.
Pavlodar oblysy TJD-de Almaty-1-den Pavlodarǵa bet alǵan jolaýshylar poıyzy Degeleń temir jol stansasy mańynda (Aqjar aýylyna jaqyn jerde) sý tasqyny saldarynan zaqymdanǵan jolǵa tap boldy. Poıyzǵa reseılik Lokot, Kýlýnda stansalary arqyly júrýge týra keldi.
Budan buryn «Qazaqstan temir joly» UK» AQ jolaýshylar poıyzdarynyń marshrýttary qaýipsizdik maqsatynda ózgertilgeni jaıly aqparat taratqan: «№31 «Almaty-1-Pavlodar», №376 «Astana-Lenınogorsk», №67 «Zaşıta-Astana», №68 «Astana-Zaşıta» jolaýshylar poıyzy RF aýmaǵy arqyly júretin boldy.
Osyǵan oraı, jol júrý ýaqyty ortasha 16 saǵatqa ulǵaıady. Sý tasqynynyń saldaryn joıý boıynsha jedel shtab quryldy. Oqıǵa ornynda 63 birlik arnaıy tehnıka, 120-dan astam temirjolshy jumys isteýde. Qazirgi ýaqytta «QTJ» UK» AQ qalpyna keltirý jumystaryn júrgizýde.
