Pavlodarda Aqsý turǵynynan 22 mln teńge bopsalap alǵan kúdiktiler ustaldy
Pavlodar oblysy PD uıymdasqan qylmysqa qarsy kúres basqarmasynyń qyzmetkerleri anyqtaǵandaı, sońǵy eki jyl ishinde belgisiz adamdar jábirlenýshiden ar-namys pen qadir-qasıetke nuqsan keltiretin beınejazbalardyń taralýyna qaýip tóndirip, iri mólsherde aqsha bopsalady. Jalpy, kúdiktiler 22 mln teńgeden astam qarajat alǵan. Bul adamdarǵa aqsha berýge múmkindigi joq qala turǵyny polıtsııaǵa aryzben júgindi.– Arnaıy is-sharalardy ótkizý barysynda Pavlodar polıtseıleri, «Arlan» arnaıy bólimshesiniń qatysýymen kezekti aqshalaı qarajatty berý kezinde Pavlodar qalasynyń úsh turǵyny qorqytý arqyly aqsha bopsalady degen kúdikpen ustaldy. Ustalǵan kezde oblys ortalyǵynyń turǵyndary belsendi qarsylyq kórsetkenin atap ótken jón. Jasyrynýǵa tyrysyp, polıtsııa qyzmetkerin kólikpen qaǵyp ketti. Ustalǵandarǵa qatysty bultartpaý sharasy – qamaýǵa alý tańdaldy. Ustalǵandardyń biri buryn qylmystyq jaýapkershilikke tartylǵan. Osy fakt boıynsha qazirgi ýaqytta Qazaqstan Respýblıkasy QK-niń 194-baby boıynsha sotqa deıingi tergeý júrgizilip jatyr, – dedi Pavlodar oblysy PD uıymdasqan qylmysqa qarsy kúres basqarmasynyń bastyǵy Ǵabıt Qabdrahmanov.
Qazaqstan Respýblıkasy Konstıtýtsııasynyń 77-baby 3-tarmaǵynyń 1-tarmaqshasyna, Qazaqstan Respýblıkasy Qylmystyq is júrgizý kodeksiniń 19-baby 1-bóligine sáıkes onyń kinási sottyń zańdy kúshine engen úkimimen tanylǵanǵa deıin adam qylmys jasaǵany úshin kináli emes dep esepteledi.