Pavlodarda akademık Álkeı Marǵulan atyndaǵy arheologııalyq ortalyq ashyldy
PAVLODAR. QazAqparat - Pavlodar memlekettik pedagogıkalyq ınstıtýtynda arheologııalyq ortalyq ashyldy, dep habarlady PMPI baspasóz qyzmetinen.
Ol belgili ǵalym-arheolog, tarıhshy, arheologııa men etnologııanyń qazaq dalasynda negizin salýshy Álkeı Marǵulannyń esimimen ataldy.
Ortalyqtyń negizgi mıssııasy - Qazaqstannyń tarıhı-mádenı qundylyqtaryn nasıhattaý. Munda oblystyń arheologııalyq, ólketaný men týrızm zertteýleri júrgiziletin bolady.
«Ortalyq aldaǵy ýaqytta aımaqtyń tyń dúnıelerin zertteýge negiz bolady degen úmittemin», - dedi quttyqtaýynda Pavlodar oblysy ákiminiń orynbasary Meıram Begentaev. Ol PMPI-diń tarıhty meńgerý men óńirdiń mádenı qundylyǵyn saqtaýda qosqan úlesi mol ekendigine toqtaldy.
Bir jylǵa jýyq ýaqyt Aqkól-Jaıylma aýmaǵynda etnografııalyq-arheologııalyq keshenderge zertteýler júrgizilýde. 2004 jyly Aqkól kóliniń jaǵasynan eki shaqyrym qashyqtyqta Qarajar pýnktinde qazaq molalarynyń ishinen eki ǵasyrlyq kesenelerdiń qaldyqtary tabylǵan.
Arheologtardyń málimdeýinshe, Aqkól-Jaıylma Uly Dala eliniń kóne saıası ortalyǵy bolǵan. Bul jerde Altyn Orda júzderi saıası másele sheshken. Keshende qazba jumystaryn júrgizý áli de jalǵasýda.
