Pavlodarda adamdy jeńil kólikke baılap súıregen
PAVLODAR. QazAqparat – Polıtsııa bul oqıǵaǵa qatysy bar adamdardy izdestirip jatyr, dep habarlaıdy QazAqparat.
«Polıtsııa qyzmetkerleri osy vıdeony Telegram áleýmettik jelisine monıtorıng jasaý kezinde anyqtap, zerttep shyqty. Atalǵan fakt Pavlodar qalasynyń polıtsııa basqarmasynda tirkeldi», - dep habarlady Pavlodar oblystyq polıtsııa departamenti bastyǵynyń birinshi orynbasary Jasqaırat Qaıyrov.
Áleýmettik jelide keshki qala kóshelerinde artyna baılanǵan adamdy súırep bara jatqan qara kóliktiń vıdeosy tarady.
«Polıtsııa atalǵan faktige qatysy bar tulǵalar men kýágerlerdi anyqtaý sharalaryn ótkizip jatyr. Oqıǵanyń mán-jaıy men sebepteri anyqtalý ústinde», - dedi J.Qaıyrov.
Pavlodar oblystyq polıtsııa departamenti osy vıdeony túsirgen kýágerlerdiń 102 nemese 87774586688 nómirine habarlasýyn ótinedi.
Qupııalylyqtyń saqtalatynyna kepildik beriledi.
