Pavlodarda adam urlaýmen jáne bopsalaýmen aınalysqan qylmystyq top ustaldy
PAVLODAR. KAZINFORM - Pavlodarda oblystyq prokýratýranyń bastamasymen adam urlaýmen jáne bopsalaýmen aınalysqan qylmystyq topty jedel-izdestirý sharalary júrgizildi.
Ekonomıkalyq tergeýler departamentiniń qyzmetkerleri Sybaılas jemqorlyqqa qarsy qyzmettiń qoldaýymen quqyq qorǵaý organdarynyń burynǵy qyzmetkerleri men uıymdasqan qylmystyq top múshelerinen quralǵan toptyń is áreketin toqtatty.
— Bul top iri kólemde aqsha qarajatyn ıemdený maqsatynda jábirlenýshini onyń avtokóliginde kúsh qoldaný arqyly ustaǵan. Adam urlaý jáne bopsalaý derekteri boıynsha QR Qylmystyq kodeksiniń 125 jáne 194-baptary negizinde prokýratýranyń Sotqa deıingi tergep-tekserýlerdiń biryńǵaı tiziliminde tirkeldi. Aldyn ala tergeý arnaıy prokýrorlarmen júrgizilip jatyr. Kúdiktiler ustaldy, olarǵa qatysty sotpen qamaýǵa alý sharasy tańdaldy, - dep habarlady óńirlik prokýratýradan.
Qazirgi ýaqytta kúdiktilerdiń ózge qylmystyq áreketterin anyqtaý boıynsha tergeý amaldary júrgizilip jatyr. Tergeý múddesi úshin basqa aqparat QR Qylmystyq protsessýaldyq kodeksiniń 201-babyna sáıkes jarııalanbaıdy.
Eske sala keteıik, prokýrorlar Pavlodarda múgedek balalarǵa arnalǵan ońaltý ortalyǵy alaıaqtyqpen aınalysqanyn anyqtady.