Pavlodarda adam sany az 203 aýylǵa optıkalyq baılanys jelisi tartylady
PAVLODAR. KAZINFORM — Ertis-Baıan óńirinde adam sany az eldi mekenderdi uıaly baılanyspen jáne ınternetpen qamtamasyz etý úshin aldaǵy eki jylda talshyqty-optıkalyq baılanys jelilerin tartý josparlanǵan.
— Bıyl 9 maýsymda «Qazaqtelekom» kompanııasy men Tsıfrlyq damý, ınnovatsııa jáne aeroǵarysh ónerkásibi mınıstrligi arasynda memorandým jasaldy. Osy qujatqa sáıkes oblysymyzda 203 eldi mekenge talshyqty-optıkalyq baılanys jelisi tartylady. Negizi, baǵdarlama 2025-2027 jyldarǵa arnalǵan edi. Deıturǵanmen mınıstrimiz eki jylda atqaryp tastaýdy mejelep otyr, — dep habarlady óńirlik tsıfrlyq tehnologııalar basqarmasynyń basshysy Aǵybaı Ámirın.
Oǵan qosa, mınıstrliktiń júrgizgen konkýrsynyń qorytyndysy boıynsha Jusan Mobile operatory Qazaqstan eldi mekenderinde, sonyń ishinde oblysymyzda qoljetimdiligi qıyn, halyq sany 50-den tómen 13 eldi mekenge talshyqty-optıkalyq ınternet qosyp beredi. Bul aýyldarda uıaly ınternet jyldamdyǵy baıaý bolsa da, aldaǵy ýaqytta statsıonar telefondaryna roýter qosý arqyly jyldamdyǵy joǵary ınternetke qol jetedi.
Sondaı-aq byltyr 33 aýyldyń mektebine Starlink tómengi orbıtaldy ınterneti qosylsa, bıyl taǵy 128 mektep jańa qurylǵylarmen qamtylmaq.
Eske sala keteıik, Starlink Qazaqstanǵa resmı túrde keledi: kelisimge qol qoıyldy.