Pavlodarda adam óltirgeni úshin sottalǵan er adam qarttarǵa shárke tigip berdi

PAVLODAR. QazAqparat – Adam óltirgeni úshin 2014 jyldan beri túrmede otyrǵan 40 jastaǵy er adam qarttarǵa arnap 30 jup úı shárkesin tikti, dep habarlaıdy «QazAqparat» tilshisi.

«Halyqaralyq Áıelder kúnin merekeleý qarsańynda Pavlodar oblysy boıynsha qylmystyq-atqarý júıesi departamentiniń AP-162/4 mekemesinde jazasyn ótep júrgen er adam Pavlodar qalasy qarttar úıiniń qarııalaryna 30 jup úı shárkesin tikti», - dep habarlady Pavlodar oblystyq QAJ departamenti baspasóz qyzmetinen.

Alekseı adam óltirgeni úshin jazasyn 2014 jyldan beri ótep júr. Oǵan túrmede otyrýǵa taǵy eki jyl qaldy.

«Osynda júrip, kóp nárse uqtym, ózime túıin jasap, ózgerdim. Bostandyqty, jaqyndaryńnyń qasynda bolǵanyn baǵalaı bilý kerek ekenin túsine bildim. Bul shárkelerdi jylýǵa muqtaj jandarǵa ádeıilep tiktim. Gazetten 2020 jyl – Eriktiler jyly ekenin oqydym. Túrmede otyrǵanyma qaramastan, kópshilikke bir paıdamdy tıgizgim keldi», - dep oı bólisti Alekseı.

Sottalýshynyń syılyǵy Pavlodar oblystyq qarttar men múgedekterge arnaıy áleýmettik qyzmet kórsetý ortalyǵynyń janyndaǵy pallıatıvtik kómek bólimine jiberildi.