Pavlodarda adam quqyqtary jónindegi ýákildiń aralasýymen 5 qylmystyq is toqtatylǵan
PAVLODAR. KAZINFORM - Adamdar kóbine memlekettik organdardyń qyzmetine qatysty, sonyń ishinde áleýmettik qorǵaý, múgedekter máselesine qatysty suraqtarmen kelgen. Ýákildiń aralaýsymen oblysta 5 qylmystyq is boıynsha sottyń sheshimi toqtatylǵan.
Byltyr adam quqyqtary jónindegi jergilikti ýákilge turǵyndardan 212 shaǵym túsken. Adamdar ombýdsmenge kóp jaǵdaıda memlekettik organdardyń qyzmetine qatysty, sonyń ishinde áleýmettik qorǵaý, múgedekter máselesine qatysty suraqtarmen júgingen.
«Azamattardyń aryz-shaǵymyn tikeleı nemese «E-otinish» júıesi arqyly qabyldaımyz. Múmkindigi shekteýli jandar keıbir memlekettik qyzmet kórsetý ǵımarattary ózderi úshin tıisti qajettiliktermen jabdyqtalmaǵany jóninde jıi habarlasady. Byltyr arbaǵa tańylǵan múgedek jan, belsendi azamat Igor Kýntsevıch «Moıyldy» shıpajaıyna barýymyzdy ótindi. Múddeli memlekettik mekemelermen birlesip, monıtorıng júrgizdik. Rasynda shıpajaıdaǵy keıbir em-dom kabınetterinde arnaıy ustaǵyshtar, aksessýarlar qarastyrylmaǵan bolyp shyqty. Emdelýshilerdi qabyldaý jaǵdaılaryn jaqsartý týraly keńes berdik. Basshylyǵy jaǵdaıdy tez arada retteımiz dep ýáde etti», deıdi QR Adam quqyqtary jónindegi ýákildiń Pavlodar oblysyndaǵy ókili Igor Tarasenko.
Budan basqa, ókildiń uıytqy bolýymen «Qýatty óńirler – el damýynyń draıveri» ulttyq jobasy aıasynda Pavlodarǵa Qyzylorda oblysynan kóship kelgen otbasynyń zańdy quqyǵy qorǵaldy. 17 jastaǵy jas ananyń sábıine memleketten tıesili járdemaqy taǵaıyndalýǵa kómek kórsetti.
Byltyr I.Tarasenkonyń aralasýymen oblysta 5 qylmystyq is boıynsha sottyń sheshimi toqtatylǵan. Nátıjesinde, iske qatysy bar ózge tulǵalar jaza arqalaǵan. Jalpy, ombýdsmenge sot sheshimine qatysty aryz-shaǵym jıi túsedi. Ókildiń sózinshe, adam quqyqtary jónindegi ýákildiń sot sheshimine tikeleı áser etýge eshqandaı quqyǵy joq. Shaǵymdanýshylarǵa tek qalaı áreket etý kerektigi týraly aqyl-keńes berilip, túsindirý jumystary júrgiziledi.
