Pavlodarda adam qaǵyp, oqıǵa ornynan izin jasyrǵan júrgizýshi ustaldy
PAVLODAR. QazAqparat - Pavlodar polıtseıleri jol apaty bolǵan jerden boı tasalaǵan avtokólik júrgizýshisin oqıǵanyń izin sýytpaı ustady, dep habarlaıdy pavlodarnews.kz.
«2019 jyly 16 maýsymda jol-kólik oqıǵasy oryn aldy. Jańbyrly kúnderdiń birinde túngi saǵat úsh shamasynda júrgizýshi 32 jastaǵy jaıaý júrginshini qaǵyp ketip, oqıǵa ornynan izin jasyrǵan. Er adam kóptegen jaraqattarmen Pavlodar qalasy aýrýhanasynyń jansaqtaý bólimine jatqyzyldy. Іzdestirý is-sharalaryn júrgizý barysynda qysqa merzimde «Hyundai Accent» markaly avtokóligi men 38 jastaǵy júrgizýshi ustaldy»,- deıdi departamentte.
Oqıǵa ornynan boı tasalaǵan Pavlodar qalasynyń turǵyny óziniń áreketin qorqyp qalǵandyǵymen túsindirgen. Atalmysh faktige qatysty QR QK 345-baby boıynsha sotqa deıingi tergeý júrgizilýde.
