Pavlodarda Abaıdyń 175 jyldyǵyna oraı onlaın marafon ótedi

PAVLODAR. QazAqparat - Marafonǵa qatysýshylar 40 kúnde 175 shaqyrym júgirip ótýi tıis, dep habarlaıdy pavlodarnews.kz.

Uly aqyn, aǵartýshy Abaıdyń 175 jyldyǵyna arnalǵan onlaın marafondy Pavlodar oblysynyń mádenıet, tilderdi damytý jáne arhıv isi basqarmasy men Ertis Runners klýby ótkizýde.

«Marafonnyń basty sharty – 1 shilde men 10 tamyz aralyǵynda 175 shaqyrym júgirý, - dedi Ertis Runners klýbynda. – Buǵan kez kelgen adam qatysa alady. Tipti aýyldyq jerlerdegi adamdardyń da qatysýyna múmkindik bar. Qaı jerde, bir kúnde qansha shaqyrym júgiretinin ózderi biledi. Qansha qashyqtyq júgirgenderi týraly Whatsapp arqyly bizge jiberedi. Biz derekterdi arnaıy baǵdarlamada tirkep otyramyz. 10 tamyzǵa deıin 175 shaqyrymǵa jetse bolǵany. Ertis Runners júgirý klýbynda jeńimpazdar 3 nomınatsııa boıynsha marapatqa ıe bolatynyn aıtty. «Qatysýshylar arasynan «Eń jyldam», «Áleýmettik jelidegi eń belsendi» nomınatsııalary boıynsha syılyqtar úlestiriledi. Úshinshi nomınatsııa aldaǵy ýaqytta jarııalanady. Qatysýshylarǵa qundy kitaptar syıǵa tartylyp, belsendilerge arnaıy syılyqtar beriledi», - dedi klýbta. Onlaın marafonǵa qatysý úshin 1000 teńge tólenýi tıis. Qazirgi ýaqytta marafonǵa 40-qa jýyq adam tirkelgen. Qatysý úshin ótinishti WhatsApp arqyly 87054003441 nómirine joldaýǵa bolady.