Pavlodarda 9 jasar bala turǵyn úıdiń úshinshi qabatynan qulap ketti
ASTANA. KAZINFORM — Qazir jasóspirim Pavlodar oblystyq balalar aýrýhanasynda jatyr, jaǵdaıy aýyr.
Bul týraly Pavlodar oblysy boıynsha balalar quqyǵy boıynsha ýákil Sáýle Shakeneva aıtty.
— 19 shildede saǵat 21:55–te Pavlodarda 2016 jyly týǵan erekshe qajettilikteri bar bala turǵyn úıdiń úshinshi qabatyndaǵy jalpyǵa ortaq balkonnan qulap ketti. Jas jetkinshek kóptegen jaraqat alǵan, birneshe jeri synǵan. Ol birden Pavlodar oblystyq balalar aýrýhanasyna jetkizildi, — dedi Shakeneva.
Onyń sózinshe, 20 shildedegi jaǵdaı boıynsha Pavlodar oblysynda 10 bala terezeden qulap ketken.
— Qazirgi ýaqytta atalǵan aýrýhananyń travmatologııa bóliminde 2023 jáne 2016 jylǵy eki bala em alyp jatyr. Olardyń jaǵdaıy turaqty biraq aýyr. Jaǵdaı baqylaýda, — dedi balalar quqyǵy boıynsha ýákil.
Budan buryn Almatyda úlken bıiktikten qulaǵan úsh jasar búldirshin mert boldy.