Pavlodarda 83 jastaǵy zeınetker balalarǵa nasybaı satyp kelgen
PAVLODAR. QazAqparat – Pavlodar turǵyny as bólmesiniń terezesi arqyly balalarǵa nasybaı satyp kelgen, dep habarlaıdy QazAqparat.
Qaladaǵy Kamzın kóshesi, 164-úıdiń turǵyndary áleýmettik jeli arqyly ata-analardy barynsha muqııat bolýǵa shaqyrdy.
«Olardyń aıtýynsha, sol úıdiń birinshi qabatynda turatyn áıel balalarǵa nasybaı satady eken. Bul málimetti teksergen polıtseıler atalmysh áıeldiń úıine qonaqqa baryp, 83 jastaǵy zeınetkerdiń shynymen de osylaı zańsyz saýda jasap kelgenin anyqtady» delingen habarlamada.
Zańsyz kásipkerlikpen aınalysqany úshin áıelge qatysty QR Ákimshilik quqyq buzý kodeksiniń 463-baby 1-bólimi boıynsha is qozǵaldy. Materıal sotqa joldandy.
«Bul bap boıynsha 15 aılyq eseptik kórsetkish kóleminde aıyppul salynady. Sondaı-aq, zeınetkermen arnaıy áńgime júrgizilip, aldaǵy ýaqytat mundaı zańsyzdyqqa jol bermeý kerektigi túsindirildi», - dep málim etti polıtsııadan.
Pavlodar oblysynda jyl basynan beri zańsyz kásipkerlikpen aınalysý faktisi boıynsha 19 is sotqa joldanǵan.
