Pavlodarda 83 jastaǵy qart adam joǵaldy
Týystary 83 jastaǵy Qanatbek Jabyqbaevtyń «Metallýrg» baqshasynda joǵalyp ketkenin habarlady. Olardyń aıtýynsha, ol kúnde saıajaıǵa barady. Alaıda 26 maýsym kúni saǵat 18:00 shamasynda er adam telefonǵa jaýap bermegendikten týystary alańdaı bastaǵan.
«Týystary saıajaıǵa kelgende ol jerde eshkim bolmady. Joǵalǵan adamnyń uıaly telefony men zattary sol jerde bolǵan. Ol vannaǵa sypyrǵysh jasaý úshin qaıyń ósken jerge barýy múmkin degen boljam bar. Ony túnniń bir ýaǵyna deıin týystary men polıtsııa qyzmetkerleri izdedi», - deıdi VITA otrıadynyń eriktileri.
Tańerteńgi saǵat altydan bastap eriktiler, polıtseıler, joǵalǵan er adamnyń týystary men dostary izdeý jumystaryn qaıta bastady.
Qanatbek Jabyqbaevtyń erekshelikteriniń biri, boıy – 178 santımetr, qońyr kózdi, qysqa sur shashty. Oń aıaǵynyń bas barmaǵy ońǵa qaraı qısaıǵan.
Týystarynyń boljamynsha, qart kisi kók tústi uzyn short, fýtbolka, úsh qyzyl jolaǵy bar qara krossovka kıgen.
