Pavlodarda 80 jastaǵy áıel jardan qulap, aýyr jaraqat aldy
PAVLODAR. KAZINFORM — Ertis ózeniniń jaǵasynda serýendep júrgen qarııa bes metrlik jardan qulap ketti. Qutqarýshylar zardap shegýshini alpınıstik jabdyqtardyń kómegimen joǵary kóterip, dárigerlerge tapsyrǵan.
Óńirlik tótenshe jaǵdaılar departamentiniń málimetinshe, 1946 jylǵy qarııa adam ózen jaǵasyndaǵy jardyń boıymen serýendep júrip, abaısyzda tómenge qulaǵan.
— Oqıǵa ornyna jedel jetken qutqarýshylarymyz zardap shekken qartty evakýatsııalaýǵa kiristi. Jer bederiniń kúrdeliligi men jardyń bıiktigin eskere otyryp, arnaıy alpınıstik jabdyqtar men zembil paıdalanyldy. Nátıjesinde qutqarýshylar áıeldi shamamen bes metr bıiktikten joǵary kóterip, jedel járdem brıgadasyna tapsyrdy, — dep habarlady departamentten.
Qazirgi ýaqytta zardap shegýshi Pavlodar qalalyq № 1 aýrýhanasynyń polıtravmatologııa bóliminde em qabyldap jatyr. Dárigerler onyń mıy shaıqalǵanyn, denesi kógerip, jambas jáne ortan jilik súıekteri synǵanyn anyqtaǵan. Naýqastyń jaǵdaıy aýyr, biraq turaqty.
Eske sala keteıik, BQO-da qurylys alańynda kran qulap, er adam mert boldy.
