Pavlodarda 75 adam donorlyq aǵzaǵa muqtaj
ASTANA. QazAqparat - Pavlodar oblysynda 75 adam aǵzalardy almastyrý tiziminde tur, dep habarlaıdy pavlodarnews.kz.
Respýblıka boıynsha mundaı tizimge alynǵan jandardyń sany - 1300. Olardyń basym bóligi búırek, baýyr jáne júrekti qajet etedi.
«Eki jyldyń ishinde óńirde 216 naýqas bas qańqa jaraqatyn alyp, mı qan aınalymy zaqymdanǵan. Olar birneshe adamǵa donor bolar edi. Qysqa merzimde adal qushýy múmkin adamdar donorlardyń arqasynda tolyqqandy ómir súretin edi. Buǵan qosa, marqumdardyń mundaı azamattyq erlik jasaǵan týystary qurmetke laıyq», - deıdi oblystyq densaýlyq saqtaý basqarmasynyń basshysy Nurlan Qasymov.
Eske sala keteıik, bıylǵy jyly aqpan aıynda eki retsepıent 37 jasynda qaıtys bolǵan Olesıa Pýshkınanyń aǵzalaryn qabyldaǵan bolatyn. Taǵy bir mundaı sátti ota jýyrda ótkizildi. Astanada ulttyq kardıohırýrgııalyq ortalyqta pavlodarlyq donordyń ókpesi basqa adamǵa berildi.
