Pavlodarda 71 jastaǵy júrgizýshi jaıaý júrginshini qaǵyp ketti
PAVLODAR. QazAqparat - Pavlodarda 71 jastaǵy júrgizýshi jaıaý júrginshini qaǵyp ketti. Zeınet jasyndaǵy zardap shegýshi aýrýhanada kóz jumdy, dep habarlaıdy pavlodarnews.kz.
Oblystyq polıtsııa departamentiniń málimdeýinshe, oqıǵa 6 qazan kúni oryn alǵan. - Akademık Bekturov kóshesindegi «Senim» saýda úıiniń aldynda rettelmeıtin jaıaý júrginshi jolaǵynda 71 jastaǵy «RAF 2203» avtokóliginiń júrgizýshisi jaıaý júrginshini qaǵyp ketti, - dedi departamenttiń baspasóz qyzmetinde. – 1948 jyly týǵan zeınetker áıel alǵan jaraqatynan aýrýhanada kóz jumdy.
Oqıǵaǵa qatysty sot medıtsınalyq saraptama taǵaıyndaldy. Avtokólik aıyp turaǵyna qoıyldy.
Departamenttiń habarlaýynsha, atalǵan fakt boıynsha QRQK 3-baby, 345 tarmaǵyna sáıkes sotqa deıingi tergeý júrgizilýde.
