Pavlodarda 700 lıtr jaǵarmaı tıelgen kólik túgeldeı janyp ketti
PAVLODAR. QazAqparat – Pavlodar qalasynda janar-jaǵarmaı tasymaldap bara jatqan KamAZ kóligi túgeldeı janyp ketti, dep habarlaıdy QazAqparat pavlodarnews.kz saıtyna silteme jasap.
«31 shilde kúni saǵat 22.25-te Transportnaıa kóshesi, 11 mekenjaıyndaǵy óndiris bazasy aýmaǵynda tirkemesi bar 1991 jyly shyqqan KamAZ kóligi tolyǵymen janyp ketti. Onda 700 lıtr janar-jaǵarmaı bolǵan. Jalyn 50 sharshy metr aýmaqty sharpydy, - dedi oblystyq TJD-niń baspasóz qyzmetinen.
Sondaı-aq, oqıǵa ornynan syıymdylyǵy 40 tonna janar-jaǵarmaıǵa arnalǵan eki bos tsısterna shyǵarylǵan. Jeke quramnan 14 adam úsh tehnıkanyń kómegimen tilsiz jaýdy saǵat 23.15-te aýyzdyqtap, saǵat 23.23-te túgel sóndirdi.
Órt elektr
jabdyǵynyń qysqa tuıyqtalýy saldarynan bolǵan.
