Pavlodarda 70 shaqty tramvaı vagonynyń paıdalaný merzimi asyp ketken
Óńir basshysynyń qatysýymen ótken keńeste tramvaı júıesin jańǵyrtýdyń jol kartasy talqylandy.
Jaqynda Pavlodarǵa jasaǵan sapary barysynda Prezıdent Qasym-Jomart Toqaev kóliktiń bul túrin saqtap qalýdy tapsyrdy.
Ol úshin joldardy, kabeldik jáne baılanys jelilerin, tartqysh qosalqy stantsııalardy jóndeý jumystary júrip jatyr.
Bıyl oblys ortalyǵynda taǵy segiz tramvaı ótkeli jóndeledi.
Qolda bar 111 vagonnyń tek 30-nyń ǵana normatıvtik paıdalaný merzimi asqan joq, 70-ke jýyq tramvaı aýystyrýdy qajet etedi.
Asaıyn Baıhanov jańa vagondar satyp alý jáne qarjylandyrý kózin tańdaý boıynsha usynystardy 15 aqpanǵa deıin berýdi tapsyrdy.
Osy merzimde jaýapty tulǵalar Dostyq shaǵynaýdany boıynda tramvaı tarmaǵyn salýdyń oryndylyǵyn negizdeýi tıis.
Oblys ákimi tramvaı jelisin ekinshi Pavlodarǵa deıin uzartý ıdeıasyn eske saldy.
- Bul - qala turǵyndarynyń tilegi, sizderdiń mindetińiz - olarǵa kóliktik qoljetimdilikti qamtamasyz etý, - dedi óńir basshysy.
Foto:pavlodarnews.kz
