Pavlodarda 7 jyldan astam qoldanystaǵy avtobýstar aıazǵa tózbeýde
PAVLODAR. QazAqparat - Pavlodardaǵy aıaz qala ishindegi jolaýshylardy tasymaldaıtyn, jeti jyldan astam ýaqyt paıdalanýda júrgen avtobýstarǵa qatty áser etýde.
Bul jóninde Pavlodar qalasy turǵyn úı-kommýnaldyq sharýashylyǵynyń jolaýshylar tasymaly jáne avtomobıl joldary bóliminiń sektor jetekshisi Marat Asylbekov aıtty, dep habarlaıdy pavlodarnews.kz.
Sektor jetekshisiniń aıtýynsha, klımattyq jaǵdaıǵa baılanysty 21-qańtardan 22-qańtarǵa qaraǵan túni barlyq avtotransporttyq kásiporyndar kezekshilik rejimde jumys isteı bastady. Jóndeý júrgizetin arnaıy brıgada qurylyp, qosymsha bólshekter daıyndalyp, qosalqy ekıpajdar jasaqtaldy. Tańǵy saǵat 6-da 92 paıyz kólik shyqqan. Aýyldyq jáne qalaishilik tasymaldaýlar qamtyldy. 73 tramvaı shyǵyp, 100 paıyz jumys jasady. Ýaqyt óte tasymaldaýdan alynyp qalǵandar da boldy. - Qalaı bolǵanda da 42 gradýs aıaz bizdegi jeti jyldan kóbirek ýaqyt qoldanysta júrgen avtobýstarǵa áser etpeı qoımaıdy, - deıdi Marat Asylbekov. - Bizde ózderińiz biletindeı, 17-20, tipti odan kóp jyl paıdalanyp júrgen avtobýstar bar. Osyndaı avtobýstar jumys kestesinen túsip qalyp jatty. Іsten shyqqan qoǵamdyq kólikterdi parkke ákelip, jylytyp, kerek bólshekterin aýystyrdy,olar jumysqa qaıta kiristi».
Tańǵy saǵat 10-nyń kezinde kóliktiń 73 paıyzy óz jumysyn atqardy. Oǵan qosa 07, 21, 16 baǵytyndaǵy 28 avtobýs «Birinshi avtobýs parkinen», 11-i Pavlodar avtokombınatynan shyqty.
