Pavlodarda 68 jastaǵy júrgizýshi eki adamdy qaǵyp ketti
PAVLODAR. QazAqparat – Jeńil kólik júrgizip kele jatqan er adam joldan ruqsat etilmegen jerden ótken eki adamdy qaǵyp ketti, dep habarlaıdy QazAqparat.
«20 maýsym kúni saǵat 15:30-da Pavlodar qalasyndaǵy Kamzın men Gagarın kósheleriniń qıylysynda «Saneng» kóliginiń 68 jastaǵy júrgizýshisi joldan ruqsat etilmegen jerden ótken eki adamdy qaǵyp ketti», - dep málim etti Pavlodar oblystyq polıtsııa departamenti jergilikti polıtsııa qyzmetiniń bastyǵy Ǵalym Sarǵulov.
Onyń aıtýynsha, jol-kólik oqıǵasynyń saldarynan kámelettik jasqa tolmaǵan jaıaý júrginshler aýrýhanaǵa jetkizildi. Kólik aıyppul turaǵyna kirgizildi. Tekserý jumystary júrgizilip jatyr.
