Pavlodarda 6 mlrd teńgege memlekettik salý alý sharty zańsyz jasalǵan
Pavlodar oblysynda 6 mlrd teńgege jasalǵan memlekettik satyp alý týraly 11 kelisimshart sot sheshimimen jaramsyz dep tanyldy, dep habarlaıdy Kazinform.
«Pavlodar oblysynda jetkizýshilerdi memlekettik satyp alýdyń básekege qabiletti emes tásilimen tańdaý faktileri anyqtaldy.
Máselen, «Eńbek-Óskemen» RMK fılıalymen jáne «QazQurylysServıs» JShS-men bir kózden negizsiz jasalǵan sharttardyń jalpy somasy 6 mlrd teńgeni qurady.
Qalalyq prokýratýranyń qadaǵalaý aktisinen keıin Іshki memlekettik aýdıt departamenti talap-aryz jumystaryn júrgizdi.
Pavlodar oblysynyń mamandandyrylǵan aýdanaralyq ekonomıkalyq sotynyń sheshimderimen 11 shart jaramsyz dep tanyldy», - delingen málimette.
Sonymen qatar Pavlodar qalasy ákimdiginiń qurylys bóliminiń basshysy Ákimshilik quqyqbuzýshylyq týraly kodekstiń 207-baby (memlekettik satyp alý týraly zańnamany buzý) boıynsha ákimshilik jaýapkershilikke tartylǵan.
