Pavlodarda 6 adamnyń ómirin qıǵan qaıǵyly oqıǵa: tiri qalǵan turǵyn jeksenbi kúni aýrýhanadan shyǵady
PAVLODAR. KAZINFORM - 38 jastaǵy er adam Aqtoǵaı aýdandyq aýrýhanasynda bir apta em qabyldaǵan. Dárigerler onyń jaǵdaıyn qanaǵattanarlyq dep baǵalap otyr.
Aýrýhana dárigerleri naýqasqa ortasha aýyrlyqtaǵy kómirqyshqyl gazymen ýlaný dıagnozyn qoıǵan. Oblystyq densaýlyq saqtaý basqarmasynyń málimetinshe, azamat jaqyn kúnderi úıine jiberiledi.
– Qajetti medıtsınalyq kómek tolyq kólemde kórsetilip jatyr. Naýqastyq jaǵdaıy qanaǵattanarlyq. Jeksenbi kúni aýrýhanadan shyǵarý josparlanyp otyr, – dep habarlady oblystyq Densaýlyq saqtaý basqarmasynyń baspasóz qyzmetinen.
Eske sala keteıik, bıylǵy 20 shildede Pavlodar oblysynyń Jolaman aýylynda ornalasqan kásiporynda alty adam qaza tapty.
Keıin Úkimet basshylyǵynyń tapsyrmasymen oqıǵanyń sebebi men mán-jaıyn anyqtaý úshin arnaıy komıssııa quryldy.
