Pavlodar oblysynda 6 adamnyń ómirin qıǵan oqıǵa boıynsha burynǵy máslıhat depýtaty ustaldy
PAVLODAR. KAZINFORM - Óńirlik polıtsııa departamenti sotqa deıingi tergep-tekserýdi júrgizip jatqanyn málim etti. Tergeý múddesi úshin ózge aqparat jarııa etýge jatpaıdy.
Pavlodar oblysyndaǵy kásiporynda alty adamnyń ómirin qıǵan qaıǵyly oqıǵa boıynsha kúdikti tulǵalar ustalyp, ýaqytsha ustaý ızolıatoryna qamaldy.
- Atalǵan derek boıynsha Pavlodar oblysy Polıtsııa departamentiniń Tergeý basqarmasy sotqa deıingi tergep-tekserýdi júrgizip jatyr. Qylmystyq is aıasynda istiń mán-jaılaryn anyqtaýǵa baǵyttalǵan qajetti tergeý amaldarynyń kesheni júrgizilý ústinde. Qazirgi ýaqytta úsh kúdikti ustalyp, ýaqytsha ustaý ızolıatoryna qamaldy. Qazaqstan Respýblıkasy Qylmystyq-prtsessýaldyq kodeksiniń 201-babyna sáıkes, tergeý múddesi úshin ózge aqparat jarııa etýge jatpaıdy, - dep habarlady departamentten.
Ustalǵandardyń biri «Aqtogai Milk» JShS-nyń bas dırektory, Pavlodar oblystyq máslıhatynyń burynǵy depýtaty Aleksandr Terentev ekeni aıtylyp otyr.
Eske sala keteıik, 2026 jylǵy 20 shildede Pavlodar oblysyndaǵy kásiporynda alty adam qaza tapty.
Keıin Úkimet basshylyǵynyń tapsyrmasymen oqıǵanyń sebebi men mán-jaıyn anyqtaý úshin arnaıy komıssııa quryldy.
Tiri qalǵan turǵyn keıin Aqtoǵaı aýdandyq aýrýhanasynan shyǵaryldy.
