Pavlodarda 56 jastaǵy áıeldi kólik qaǵyp ketti
PAVLODAR. QazAqparat – Pavlodarda rettelmeıtin jaıaý júrginshiler ótkelinde 48 jastaǵy áıel rýlinde bolǵan ZAZ Chance avtokóligi qala turǵynyn qaǵyp ketti, dep habarlaıdy pavlodarnews.kz.
Bul týraly oblystyq polıtsııa departamentiniń baspasóz qyzmeti málim etti. - Oqıǵa keshe, 21 qańtar kúni saǵat 09.00 shamasynda Soltústik óndiristik aımaq kóshesindegi avtojolda oryn alǵan. Zardap shekken turǵyn jol bóligindegi rettelmeıtin jaıaý júrginshiler ótkeli arqyly ótip bara jatqan. Saldarynan 56 jastaǵy áıel adam jaraqattarmen aýrýhanaǵa jatqyzyldy, - deıdi departamentte.
Atalmysh faktige qatysty QR QK 345-baby boıynsha sotqa deıingi tergeý júrgizilýde. Avtokólik aıypturaǵyna qoıyldy.
