Pavlodarda 550 mln teńgeden astam somanyń salyǵy tólenbegeni anyqtaldy
Memleket basshysy kóleńkeli ekonomıkany tómendetý týraly tapsyrmasyna sáıkes komıtettiń Pavlodar oblysy boıynsha Ekonomıkalyq tergeý departamenti is júzinde oryndalmaǵan jumystar, kórsetilmegen qyzmetter, tıep jóneltilmegen taýarlarǵa shot faktýrany zańsyz jazý faktilerin anyqtalǵan.
«Zańsyz is-áreket jalpy aınalymy 2 mıllıard teńgeden astam somany qurap, sonyń nátıjesinde memleketke 550 mln teńgeden astam somaǵa salyq tólemeý túrinde zalal keltirildi. Qazirgi ýaqytta bul is boıynsha sotqa deıingi tergeý júrip jatyr. Aıyptalýshylardyń basqa qylmystyq quqyq buzýshylyqtarǵa, sonymen qatar memlekettik satyp alýdy oryndaý sheńberinde bıýdjet qarajatyn urlaýǵa, qylmystyq jolmen alynǵan kiristi zańdastyrýǵa, sondaı-aq kapıtaldy shetelge shyǵarýǵa qatystylyǵy tekserilýde», delingen habarlamada.
Komıtet aqshalaı syıaqy nemese bir ret paıda tabý úshin zańdy tulǵany (AQ, JShS, JK) óz atyna tirkeýdi/qaıta tirkeýdi usynǵandardan saq bolý kerektigin eskertedi.
