Pavlodarda 54 myńnan astam oqýshy qazaq tilinen emtıhan tapsyrady

PAVLODAR. KAZINFORM — Qazaq tilinen emtıhan tapsyrý 5-8 jáne 10-synyptarǵa mindetti. Ol eki bólikten turady: jazbasha jáne aýyzsha.

Búgin Pavlodar oblysynyń mektepterinde aralyq jáne qorytyndy emtıhandar tapsyrý kezeńi bastaldy. Emtıhandar 11 maýsymǵa deıin jalǵasady.

«Bıyl birinshi ret bilim alýshylardyń oqý baǵdarlamalaryn ıgerýin, oqý jáne jazý saýattylyǵyn aıqyndaý maqsatynda 5-8,10-synyptarynda oqıtyn 54242 oqýshy úshin 31 mamyrǵa deıin qazaq tilinen emtıhandar ótedi. Emtıhannyń naqty ýaqytyn oqý oryndary ózderi belgileıdi. Emtıhan eki bólikten turady: jazbasha jáne aýyzsha. Oqýshylar esse jazady, sondaı-aq, mátindi oqý, áńgimelesý jáne mátindi tyńdap túsiný boıynsha óz sheberlikterin kórsetedi», - dep habarlady Pavlodar oblysynyń bilim berý basqarmasynan.

Eske sala keteıik, Pavlodar oblysyndaǵy orta mektepterdi — 4322, negizgi mektepterdi 10 778 bala támamdaıdy. Túlekterdiń 84,3 paıyzy UBT-ǵa qatysady.

Ertis-Baıan óńirinde 800-ge jýyq jazǵy lager ashylady.