Pavlodarda 52 mln teńgeniń shyrshasy qulap qaldy

 Pavlodarda alaı-túleı boran soǵyp, ortalyq alańda turǵan shyrshany qulatty. Atalǵan shyrshany ornatýǵa qala bıligi 52 mln teńge jumsaǵan edi, dep habarlaıdy Kazinform.

Oblys ortalyǵynda qurylǵan jańa shyrsha Arqanyń dúleı daýylyna shydamaı, omaqasa qulady. Esterińizde bolsa, bul shyrshaǵa bıýdjetten bólingen qarajat daý týdyrǵan edi. Qala ákiminiń baspasóz qyzmeti habarlaǵandaı, qazirgi ýaqytta temir qurastyrmany buzý jumystary atqarylyp jatyr. Qala ákimi Hasar Qabylbekov te sol mańda júr.

Búgin tańerteńnen Pavlodar oblysy aýmaǵynda dúleı daýyl soǵyp tur. Kóptegen eldi mekenderde elektr jaryǵy qaıta-qaıta óship jatyr. Óńirlik tótenshe jaǵdaı departamenti qazir oblystyq shtab qatty jeldiń saldarynan bolǵan oqys jaıttar boıynsha málimetterdi jınap jatqanyn málimdedi.

Eske salyp óteıik, ótken jyldyń jeltoqsan aıynda Pavlodar qalasyndaǵy 53 mln teńgege salynǵan muz qalashyǵynyń biraz bóligi erip ketken. Al Jańa jyl meıramyn merekeleýge jergilikti qazynadan jalpy somasy 185 mln teńge bólingeni qoǵam tarapynan synǵa ilikkeni málim.