Pavlodarda 500 kelige jýyq esirtki zatyn satpaq bolǵan qylmystyq top qolǵa tústi
ASTANA. QazAqparat - Pavlodarlyq polıtseıler «Kóknár» esirtkige qarsy operatsııasyn ótkizý barysynda úsh adamnan quralǵan qylmystyq toptyń jolyn kesti.
Qylmyskerlerden 500 kelige jýyq «marıhýana» jáne 2 kelige jýyq «gashısh» ónimi tabylǵan, dep habarlaıdy pavlodarnews.kz .
Oblystyq ishki ister departamenti baspasóz qyzmeti málimdegendeı, zańsyz aınalymnan alynǵan soranyń jalpy quny shamamen 30 mln teńgeni quraǵan.
«Kúdiktilerge qarsy uzaq ýaqyt boıy jedel-izdestirý is-sharalary júrgizilip, oń nátıjesin berdi. Er adamdar kórsetilgen esirtki zattaryn bizdiń aýmaqta satýdy kózdegen. Osy faktige qatysty QR QK 297-babynyń 3-bólimi boıynsha sotqa deıingi tergeý júrgizilýde», - deıdi mamandar. Kórsetilgen bap boıynsha sanktsııalaý, múlikti tárkileý arqyly 10 jyldan 15 jylǵa deıin bas bostandyǵynan aıyrý qarastyrylady. Qolǵa túsken eki adamǵa qatysty qamaýda ustaý túrinde bultartpaý sharasy sanktsııalandy, úshinshisine qatysty qamaýda ustaý túrinde bultartpaý sharasy taǵaıyndaldy.
