Pavlodarda 50 myń dana maskany zańsyz satpaq bolǵandardyń joly kesildi
PAVLODAR OBLYSY. QazAqparat - Pavlodar oblysynda medıtsınalyq maskalardy zańsyz satýdyń joly kesildi. Bul týraly QazAqparat Qarjy monıtorıngi komıtetine silteme jasap habarlaıdy.
Aǵymdaǵy jyldyń 23 shildesinde Pavlodar qalasy prokýratýrasynyń úılestirýimen QR QM Qarjy monıtorıngi komıtetiniń Pavlodar oblysy boıynsha Ekonomıkalyq tergeý departamenti qyzmetkerleri Pavlodar qalasy polıtsııa basqarmasymen birlesip jedel-izdestirý is-sharalary barysynda zańsyz kásipkerlikpen aınalysý faktisin anyqtady.
Atap aıtqanda, jeke tulǵanyń tıisti qujattarsyz (tirkeý kýáligi,
Ulttyq saraptama ortalyǵynyń ónim qaýipsizdigi jáne sapa sertıfıkaty jáne t.b.) 50 myń Qytaıda jasalǵan medıtsınalyq maskany zańsyz satý faktisiniń joly kesildi.
Tekseris kezinde anyqtalǵandaı, medıtsınalyq maskalar óndirýshilermen Qazaqstan úshin jasalmaǵan jáne tıisinshe dárilik zattar men medıtsınalyq buıymdardy ákelý jáne áketý erejelerin buzý jolymen ákelingen.
Atalǵan fakti boıynsha materıaldar ákimshilik is qozǵaldy.
