Pavlodarda 50 mln teńgege sý jınaqtaýyshy salynyp jatyr
PAVLODAR. QazAqparat - Ekinshi Pavlodar aýdanynda tehnıkalyq kolledjdiń aýmaǵynda quny 50 mıllıon teńgeni quraıtyn sý jınaqtaýshtyń qurylysy bastaldy, dep habarlaıdy QazAqparat pavlodarnrews.kz silteme jasap.
TJ, azamattyq qorǵanys jáne jumyldyrý daıyndyǵy bóliminiń basshysy Qanat Joldybaevtyń aıtýynsha qurylys bir aı boıy jalǵasady.
«Bul máseleni sheshý úshin qala jáne oblys ákimdiginde arnaıy top qurylǵan bolatyn. Bul jerde jer asty sýlary men nóser sýy jınalady. Keıin sýdyń bir bóligi býǵa aınalsa, qalǵany Sývorov kóshesindegi ortalyq káriz kollektoryna jiberiledi. Osy jerde ıne tásilimen qubyrlar ornatyldy. Olar jerden sýdy tez soryp shyǵarýǵa kómektesedi. Shuńqyrdyń tereńdigi 4-5,5 metrge deıin jetedi. Bul tájirıbe Qaraǵandy men Ekibastuz qalalarynan alynǵan», - dedi Qanat Joldybaev.
Nysannyń qurylysyna bıýdjetten 50 mıllıon teńge bólindi. Osylaısha, ol Ekinshi Pavlodardaǵy jer asty sýlaryn tómendetýge yqpal etedi.
«Erteń Pavlodarǵa Almaty qalasynyń «QazGIDEK» JShS ókilderi keledi. Atalmysh kompanııa bul júıeniń qurylysynda kóp jumys júrgizgen tájirıbesi mol fırma. Biz olardyń kómegi arqyly tek qana osy aýdannyń ǵana emes, búkil Pavlodardyń gıdrogeologııalyq kartasyn jasaımyz. Jáne jer asty sýlary qaıdan kelip, qaı jaqqa qaraı aǵyp ketetinin biletin bolamyz», - dedi Qanat Joldybaev.
Búgingi kúni aýdanda tórt sý soratyn qurylǵy ornatyldy. Olar táýlik boıy jumys istep, 500 tekshe metr sý sorady.
«Mamyr aıynan beri bul aımaqta 60 myń sharshy metr sý soryp alynǵan. Qysqy merzimde sý basqan úıler tolyǵymen qurǵaq edenmen bolatynyna senimdimin», - dedi bólim basshysy.
Aldaǵy ýaqytta aýdandy ortalyq káriz júıesine qosý jumystary bastalady. Eske sala keteıik, mamyr aıynyń ortasynda Altaı, ıAkýtsk, Tallınsk, Tselınnaıa, Dnepropetrovsk, Dımıtrov kóshelerindegi 200-ge tarta úıdi sý basqan.
