Pavlodarda 50-den astam «jalǵan zeınetker» anyqtaldy
Sybaılas jemqorlyqqa qarsy is-qımyl ulttyq bıýrosynyń Pavlodar oblysy boıynsha departamenti «Azamattarǵa arnalǵan úkimet» memlekettik korporatsııasy» kommertsııalyq emes AQ Pavlodar oblysy boıynsha fılıaly - «Áleýmettik tólemderdi vedomstvoaralyq esepteý ortalyǵy» departamenti dırektorynyń orynbasary Lýkashova5a, Eńbek, áleýmettik qorǵaý jáne kóshi-qon komıtetiniń Pavlodar oblysy boıynsha departamentiniń bólim basshysy Smaǵulovaǵa jáne ózge de bıýdjettik qarjyny jymqyrýmen aınalysqandarǵa qatysty tergeýdi aıaqtady.
Joǵaryda atalǵan qyzmetkerler uzaq ýaqyt boıy (2005 jyldan beri) jáne júıeli túrde qyzmettik laýazymyn asyra paıdalaný arqyly Pavlodar oblysynyń zeınet jasyna jetpegen turǵyndaryna zańsyz zeınetaqy tólemin rásimdep otyrǵan. Olar bul qyzmeti úshin 300 myńnan bir mıllıon teńgege deıingi aqshalaı syılyq alǵan.
Nátıjesinde 50-den astam «jalǵan zeınetkerler» anyqtaldy. Saldarynan memleketke 120 mıllıon teńge kóleminde shyǵyn kelgen. Olarǵa zeınetaqy muraǵat anyqtamasy, ıadrolyq polıgon aımaǵynda turǵandyǵy jóninde, kóp balaly analar úshin balanyń týylǵandyǵy sekildi kóptegen jalǵan qujattar negizinde taǵaıyndalǵan.
2018 jyldyń 15 mamyrynan bastap Smaǵulova úı qamaǵyna alynǵan. Al, Lýkashova 31 mamyrdan bastap kúzetke alynǵan. Qazirgi tańda qylmystyq is aıyptaý aktisi boıynsha ári qaraı sotqa jiberilýi úshin prokýratýraǵa jóneltilgen. Qylmystyq isti tergeý qorytyndysy boıynsha Eńbek jáne halyqty áleýmettik qorǵaý mınıstrligi men «Azamattarǵa arnalǵan úkimet» memlekettik korporatsııasyna sybaılastyqqa baılanysty jaǵdaıdy retteý usynyldy. Quqyqbuzýshylyqtyń aldyn alý maqsatynda atalǵan memlekettik uıymdardyń eńbek ujymymen kezdesý ótedi.