Pavlodarda 5 shekara beketi jańartylady
PAVLODAR. KAZINFORM – Jańǵyrtý jumystarynan keıin beketterdiń ótkizý múmkindigi eki-úsh esege artady dep kútilip otyr. Bul shekaradaǵy kezekti azaıtyp, kedendik tekserýden ótýdi jyldamdatady.
Pavlodarda Reseımen shekaradaǵy ótkizý beketterin jańartý jumysy bastaldy. Mysaly, «Qosaq» pýnktinde tekserý aımaqtary salynyp, tsıfrlyq júıe engiziledi.
– Jańǵyrtý jumysynan keıin ótkizý beketiniń ótkizý múmkindigin úsh esege arttyrý josparlanǵan. Qazirgi tańda beket táýligine 1000 adam men 300-ge deıin avtokólik ótkize alady. Al rekonstrýktsııa men jańǵyrtý aıaqtalǵan soń bul kórsetkish táýligine 3 myń adam men 1000 avtokólikke deıin ósedi, – deıdi «Qazavtojol» UK» AQ Pavlodar oblystyq fılıaly dırektorynyń orynbasary Alekseı Logvınenko.
«Qosaq» ótkizý beketiniń qurylysyna respýblıkalyq bıýdjetten 15 mıllıard teńgeden astam qarjy bólingen. Qazir qurylys qarqyndy júrip jatyr.
Eske sala keteıik, bıyl shekara beketterinen ótken kólik sany 17%-ǵa kóbeıgen.
