Pavlodarda 45 jaǵajaıdyń 7-ýinde ǵana balalarǵa arnalǵan aımaqtar jabdyqtalǵan
PAVLODAR. KAZINFORM — Bıyl mamyr aıynyń sońynan aptap ystyqtyń turýyna baılanysty óńirde sýǵa shomylý maýsymy erte bastalǵan. Sý aıdyndaryndaǵy qaýipsizdik máselesi ózekti bolyp otyr.
Oblys ákimdiginiń dereginshe, 2025 jyly aımaqta 14 adam sýǵa ketip qaza bolǵan. Onyń ishinde eki kámeletke tolmaǵan bala bar. Barlyq qaıǵyly jaǵdaılar sýǵa túsýge ruqsat etilmegen oryndarda tirkelgen.
— Aımaqta sý jaǵasynda jappaı demalýǵa arnalǵan 45 oryn belgilengen. Onyń ishinde 29 jaǵajaı kommýnaldyq jáne 16 jekemenshik. 45 jaǵajaıdyń tek 7-inde ǵana balalarǵa arnalǵan aımaqtar jabdyqtalǵan. Aqqýly, Aqtoǵaı, Jelezın, Ertis jáne Sharbaqty aýdandarynda qaýipsizdik talaptary áli de saqtalmaı otyr. Baıanaýyl aýdanynda jedel áreket etý múmkindigin arttyrý maqsatynda modýldik qutqarý keshenin qurý josparlanǵan, — dep habarlady oblys ákimdiginiń baspasóz qyzmetinen.
Bıyl tótenshe jaǵdaılar departamenti 62 qoǵamdyq qutqarýshyny daıyndyqtan ótkizip, qosymsha 10 shtattyq qutqarýshy jumyldyrylǵan. Bul tájirıbe óziniń tıimdiligin kórsetip otyr. Máselen, 1 maýsym kúni Aqsý qalasynda qoǵamdyq qutqarýshylardyń kezekshiligi arqasynda Belaıa ózeninde sýǵa batyp bara jatqan eki turǵyn qutqarylǵan.
Eske sala keteıik, jazǵy ýaqytta Pavlodar oblysyndaǵy jaǵajaılarda 90 qutqarýshy turǵyndardyń sýdaǵy qaýipsizdigin baqylaıdy. Sý aıdyndarynda qaýipsizdikti qamtamasyz etý maqsatynda drondar da qoldanylady.
