Pavlodarda kóshi-qon zańnamasyn buzǵan 44 sheteldik azamat elden shyǵaryldy
PAVLODAR. KAZINFORM — Jyl basynan 421 sheteldik azamattyń elde bolý erejelerin buzǵany anyqtalǵan. Al sheteldik jumys kúshin zańsyz paıdalanǵany úshin 36 tulǵa ákimshilik jaýapkershilikke tartylǵan.
Pavlodar oblysynyń kóshi-qon qyzmeti kóshi-qon zańnamasynyń saqtalýyn qamtamasyz etý baǵytyndaǵy júıeli jumysyn jalǵastyrýda.
— Jyl basynan beri 1866 azamat ákimshilik jaýapkershilikke tartyldy. Olardyń ishinde 571-i — shetel azamaty. 421 sheteldik azamat elde bolý erejelerin buzǵan. Taǵy 939 azamattyń el aýmaǵynda jeke basyn kýálandyratyn qujatsyz turyp jatqany anyqtaldy. Ákimshilik quqyq buzýshylyqtar boıynsha 256 is sotqa joldanyp, 44 shetel azamaty sot sheshimimen elden shyǵaryldy, — deıdi oblystyq polıtsııa departamenti kóshi-qon qyzmetiniń bastyǵy Qanat Sartov.
Atalǵan kezeńde 260 sheteldik azamat QR azamattyǵyn qabyldasa, 200 adam Qazaqstan azamattyǵynan aıyrylý boıynsha tirkelgen.
Eske sala keteıik, Almatyda qoǵamdyq orynda balaǵat sóz aıtqan sheteldik 10 kúnge qamaldy.
