Pavlodarda №40 orta mekteptiń jylý qazandyǵy jaryldy, 62 jastaǵy jumysshy kóz jumdy
ASTANA. 3 qazan. QazAqparat - Pavlodarda №40 orta mekteptiń jylý qazandyǵy jarylyp, 62 jastaǵy jumysshy kóz jumdy, dep habarlandy QR TJM-niń baspasóz qyzmetinen.
Keshe, 2 qazan kúni Pavlodar qalasynyń Pavlodar kentindegi Beregovaıa, 60/1 meken-jaıynda ornalasqan №40 mektepte jeke turǵan jylý qazandyǵy jaryldy. Jarylystan tirek qabyrǵalar men shatyr zaqymdaldy. Tótenshe jaǵdaıdyń saldarynan alǵan jaraqattarynan 1950 jylǵy sanıtarlyq tehnık kóz jumdy.
Tótenshe jaǵdaı ornyna QR TJM Pavlodar oblysy boıynsha TJD órtke qarsy qyzmetiniń 8 adamy men 2 tehnıkasy, QR TJM «Jedel-qutqarý qyzmeti» MM-niń 3 adamy men 1 tehnıkasy, QR TJM «Apattyq medıtsına oratylyǵy» MM-niń 3 adamy men 1 tehnıkasy jumyldyryldy.
