Pavlodarda 4 mln teńgeden asa alıment qaryzyn tólemegen áke qamaýǵa alyndy

PAVLODAR. KAZINFORM - Sot er adamnyń alıment tóleýi tıistigi týraly sheshimdi 2017 jyly shyǵarǵan. Alaıda ol alty jyl boıy jaýapkershilikten jaltaryp kelipti.

Pavlodar oblysynyń polıtsııa departamentinen habarlaǵandaı er adamnyń óz balalary aldyndaǵy alıment qaryzy 4 mln teńgeden asyp ketken. Qazir tártip saqshylary azamatty qamaýǵa alyp, Qylmystyq kodekstiń 139-baby boıynsha sotqa deıingi tergeý amaldary júrip jatyr.

«Taǵy bir jaǵdaı, Ertis aýdanynyń turǵyny 2021 jyldan beri alıment boıynsha bereshegin ótemeı kelgen. Onyń qaryzy eki mln teńgeden asyp otyr. Bul fakti boıynsha da tergeý sharalary jalǵasýda», dep habarlady óńirlik polıtsııa departamentinen.

Byltyr polıtseıler alıment tólemegen 296 ákege izdeý jarııalaǵan.