Pavlodarda 4 bala ıis tıip, aýrýhanaǵa tústi

PAVLODAR. QazAqparat – Pavlodarda peshtiń aqaýy saldarynan 4 balaǵa ıis, tıip aýrýhanaǵa jetkizildi, dep habarlaıdy QazAqparat Pavlodarnews.kz saıtyna silteme jasap.

Medıtsına mamandarynyń aqparaty boıynsha, 19 aqpan kúni saǵat 08:54-te jer úıde 15, 11, 5 jáne 2 jas aralyǵyndaǵy balalar ıis tıip ýlanǵan.

«Balalardyń barlyǵy oblystyq balalar aýrýhanasyna «Orta deńgeıdegi ystan ýlaný» dıagnozymen jetkizildi»,-dep habarlady Pavlodar oblystyq densaýlyq saqtaý basqarmasynan.

Mamandar sondaı-aq balalardy jedel járdem aýrýhanaǵa jetkizgende olardyń janynda 32 jastaǵy anasy bolǵanyn aıta ketti. Balalardyń anasy da ıis tıip ýlanǵan. Áıeldiń sózinshe, úıde peshtiń aqaýynan tútin ısi shyqqan.

Osyǵan deıin Pavlodar oblysynda oqýshy burysh spreıin shashyp, 310 adam mektepten evakýatsııalanǵany jazyldy.