Pavlodarda 38 jastaǵy er adamnyń denesi tabyldy

PAVLODAR. QazAqparat – Er adamdy óltirýde kúdikti dep tanylǵan 50 jastaǵy áıel qalalyq ýaqytsha ustaý abaqtysyna qamaldy, dep habarlaıdy QazAqparat.

«28 naýryz kúni Pavlodar qalasynyń Lermontov kóshesindegi úıdiń aýlasyndaǵy qoqys konteıneriniń qasynan ishine pyshaq jaraqaty salynǵan 38 jastaǵy er adamnyń denesi tabyldy. Aýyr qylmysty jasady degen kúdikke ilingen 50 jastaǵy áıel ustaldy», - dep málimdedi Pavlodar oblystyq polıtsııa departamentiniń bastyǵy Nurlan Másimov.

Aımaqtyq PD baspasóz qyzmeti atalǵan fakti boıynsha Qylmystyq kodekstiń 99-baby 1-bólimimen sot aldyndaǵy tergeý amaldary bastalyp ketkenin qosyp ótti.

Qylmys jasady degen kúdikke ilingen áıel Pavlodar qalasynyń ýaqytsha ustaý oqshaýlaǵyshyna qamaldy.

«Atalǵan qylmystyń mán-jaıy sotaldy tergeý kezinde anyqtalady», - dep qosyp ótti vedomstvodan.