Pavlodarda 34 jastaǵy er adamdy atqan ekibastuzdyq ustaldy
ASTANA. QazAqparat - Pavlodarda adam óltirmek boldy degen kúdikpen Ekibastuz qalasynyń turǵyny ustaldy. Bul týraly oblystyq ІІD-niń baspasóz qyzmeti málim etti, dep habarlaıdy pavlodarnews.kz.
«Pavlodar qalasynyń Soltústik óndiristik aýmaǵynda 34 jastaǵy er adamǵa oq atý jáne jaralaý faktisi boıynsha júrgizilgen tergeý-jedel izdeý sharalary nátıjesinde 34 jastaǵy azamat ustaldy. Ol eshbir jerde jumys istemeıdi, buryn sotty bolǵan», - dedi baspasóz qyzmetinde.
Qazirgi tańda kúdikti ýaqytsha ustaý oqshaýlaǵyshyna qamaldy. QR QK-niń 3-bóligi, 24-baby «adam óltirýge oqtalý» boıynsha tergeý jalǵasýda.
