Pavlodarda 3 myń ustaz HІІІ pedagogıkalyq marafonǵa qatysýda
PAVLODAR. QazAqparat - Pavlodar qalasynyń InEÝ-de úsh myń ustazdyń qatysýymen HІІІ pedagogıkalyq marafon bastaldy, dep habarlaıdy pavlodarnews.kz.
Marafon úsh jerde ótip jatyr: №16 mektepte mektepke deıingi bilim berý, №25 mektepte mektepten tys mekemeler jáne InEÝ-de mektep muǵalimderi pikir talas júrgizedi. - Osynda mektep dırektorlary, olardyń orynbasarlary, ustazdar, psıholog-ustazdar jáne áleýmettik psıhologtar jınaldy, - dedi bilim berý bóliminiń ádiskeri Sholpan Nurahmetova. - Marafonǵa qalamyzdyń úsh myńnan asa ustazdary qatysady. Olar bilim júıesindegi máselelerdi talqylap, bolashaqqa baǵdar jasaıdy. Sharaǵa 568 ınnovatsııalyq jumys qabyldanyp, olardyń 300-i túrli sektsııalarda oqylatyn bolady».
Sholpan Nurahmetovanyń aıtýynsha, sektsııalarda bilim ordalarynyń basshylary master klastar ótkizedi. Ár sektsııany ǵalym, doktor nemese ǵylym kandıdattary basqarady. - Sharanyń basty bóliminde InEÝ-niń professory, prorektor Amankeldi Beısembaev, bilim berý bólimi basshysynyń orynbasary Lıýdmıla Kazantseva, №39 jáne 37 mektep dırektorlaryna sóz beriledi, - dedi ádisker.
Aıta ketý kerek, pedagogıkalyq oqýlar ustazdar úshin óte mańyzdy. Atalmysh marafon olarǵa uzaq demalystan keıin aldaǵy oqý jylyna bilek sybana kirisýge kómek beredi.
