Pavlodarda 3 kúnniń ishinde 54 adam jaýapkershilikke tartyldy
PAVLODAR. QazAqparat – Óńirde úsh kúnniń ishinde 54 adam ákimshilik jaýapkershilikke tartylyp, bir adamǵa aıyppul salyndy. Qalǵandaryna eskertý jasalǵan, dep habarlaıdy pavlodarnews.kz.
Bul týraly oblystyq polıtsııa departamenti jergilikti polıtsııa qyzmeti basshysynyń orynbasary Rýfat Kenjın málim etti.
«Karantın rejımi engizilgen úsh kúnniń ishinde 96 quqyq buzýshylyq anyqtaldy. Blokpostardaǵy, karantınge alynǵan turǵyn úıler men aýrýhanany kúzetip otyrǵan polıtseılerden koronavırýsty anyqtaýǵa múmkindik beretin test alynady. Mundaı tekserýden qoǵamdyq qaýipsizdikti qadaǵalap júrgen barlyq qyzmetkerler 100 paıyz ótedi. Ol úshin qajetti test tolyǵymen satyp alyndy», - deıdi Rýfat Kenjın.
Spıkerdiń aıtýynsha, taǵy bir adam QR Ákimshilik quqyq buzýshylyq Kodeksiniń 476-baby boıynsha kináli dep tanylyp, 30 táýlikke qamaýǵa alynǵan.
Sondaı-aq Pavlodar qalasynda 7 mobıldi top jumys isteýde.
15 sáýirdegi jaǵdaı boıynsha, oblys ortalyǵyndaǵy mamandar 10 500 tehnıkany tekserip, 96 kólikti aıyppul turaǵyna qoıǵan.