Pavlodarda 28 úıdi eki kún sýsyz qaldyrǵandar jazalanady
ASTANA. QazAqparat - Pavlodar qalasynyń TÚKSh JK jáne AJ bólimi jumysy apattyq jaǵdaıǵa ákelip soqqan ári saldarynan 28 úıdi eki kúnge sýsyz qaldyrǵan merdiger uıym jaýapqa tartylady, dep habarlaıdy pavlodarnews.kz .
Bul týraly TÚKSh JK jáne AJ bólimi basshysynyń orynbasary Almaz Mýsınov aıtty.
«25-qarasha kúni 1 Mamyr kóshesi boıynda kommýnaldyq apattyń oryn alǵany belgili. Pavlodar-Vodokanal» JShS men «Tramvaı basqarmasynyń» taǵatyn aıyptarynan bólek, biz oblystyq memlekettik sáýlet-qurylys baqylaý basqarmasy men qalalyq prokýratýraǵa hat joldaǵan edik. MSQB bergen jaýabyna súıensek, kináli uıym 200 AEK kóleminde aıyppul, ıaǵnı 458 myń teńge tóleýge mindetteldi. Tapsyrys berýshi - dúken. Al, jumystardy «MonolıtStroı-PV» JShS jasady, aıyppuldy da sol uıym tóleıdi», - dedi Almaz Mýsınov.
Eske salaıyq, Pavlodarda Toraıǵyrov, 1 Mamyr jáne Krýpskaıa kóshelerindegi 28 kópqabatty úı eki kún boıy sýsyz qalǵan. Tótenshe jaǵdaıdyń oryn alýyna osy aýmaqta jeke tulǵanyń óz nysanyna káriz tartýy sebep bolǵan. Jumys kezinde dıametri 600 mm. sý qubyry magıstrali zaqymdanǵan.
