Pavlodarda 2,7 mlrd teńgelik jobaǵa jer berilip, ınvestor quqyǵy qalpyna keltirildi
ASTANA. KAZINFORM – Pavlodar qalasynyń prokýratýrasy «Pavlodar» arnaıy ekonomıkalyq aımaǵynda 2,7 mlrd teńgege baǵalanǵan jobany iske asyrýǵa kedergi keltirgen máselelerdi sheshti.
Vedomstvo málimetinshe, Investorlardyń quqyqtaryn qorǵaý komıtetiniń úılestirýimen «Angolt GmbH» JShS júzege asyryp jatqan metall buıymdaryn óndirý jobasy boıynsha ınvestordyń quqyqtary qalpyna keltirilgen. Atalǵan joba óńirdiń ónerkásiptik damýy úshin mańyzdy jáne Jalpyulttyq pýlǵa engizilgen.
– Ótken jyldyń qyrkúıek aıynan bastap ınvestor memlekettik organdar tarapynan kelisý rásimderiniń uzaqqa sozylýyna baılanysty jer ýchaskesin ala almaǵan. Ýákiletti organnyń qorytyndysy negizinde jer berýden bas tartylǵan. Prokýratýranyń aralasýymen múddeli memlekettik organdardyń qatysýymen keńes ótkizilip, nátıjesinde aýdany shamamen 1 gektar jer ýchaskesin berý týraly sheshim qabyldandy. Qabyldanǵan sharalardyń nátıjesinde ınvestordyń quqyqtary qalpyna keltirildi, – dep habarlady prokýratýra.
Pavlodar oblysynyń prokýratýrasy ákimshilik kedergilerge tap bolǵan ınvestorlardy +7 (701) 578-47-15 nómiri nemese 115 Call-ortalyǵy arqyly habarlasýǵa shaqyrdy.
Aıta keteıik, SQO-da kásipkerlerge eńbek zańnamasyn buzǵany úshin 5 mln teńge aıyppul salyndy.
