Pavlodarda 2,6 mlrd teńge bıýdjet qarajatyn tıimsiz jumsamaq bolǵan
PAVLODAR. KAZINFORM — Sybaılas jemqorlyqqa qarsy is-qımyl agenttiginiń óńirlik departamenti eriktilermen birge bıýdjet qarajatyna baqylaý júrgizip keledi. Jyl basynan Pavlodar oblysynda tıimsiz maqsatta jumsalmaq bolǵan 2,6 mlrd teńge saqtalyp qaldy.
Qazirgi ýaqytta Ertis-Baıan óńirinde Sybaılas jemqorlyqqa qarsy qyzmettiń qoǵamdyq bastamalaryna qolushyn berip otyrǵan 90-nan astam adam bar. Eriktilerdiń qataryna kez kelgen adam kire alady.
Sybaılas jemqorlyqqa qarsy is-qımyl agenttiginiń óńirlik departamenti jyl basynan tıimsiz maqsatta jumsalmaq bolǵan 2,6 mlrd teńge bıýdjet qarajatyn saqtap qaldy.
— Biz eriktilerge memlekettik satyp alýlardyń biryńǵaı júıesimen qalaı jumys isteý kerektigin úıretemiz. Odan ári eriktiler óz betterimen konkýrstarǵa monıtorıng júrgizip, baǵa negizsiz kóterilgen jaǵdaıda bizge habar túsiredi. Al departament óz kezeginde tıisti organdarǵa satyp alýdy uıymdastyrýshylar týraly hat jóneltedi. Tek eriktilerdiń kúsh-jigeriniń nátıjesinde 308 mln teńge bıýdjet qarajatynyń negizsiz jumsalýynyń aldyn aldyq, - deıdi QR Sybaılas jemqorlyqqa qarsy is-qımyl Pavlodar oblysy boıynsha departamentiniń basshysy Medet Amralınov.
Máselen, Pavlodardaǵy áýejaı arnaıy tehnıka satyp alý úshin memlekettik satyp alý konkýrsyn jarııalaǵan. Memlekettik satyp alýlar portalynda kórsetilgen baǵany eriktiler negizsiz ósirilgen degen qorytyndyǵa kelgen. Nátıjesinde bul satyp alýlardan 40 mln teńgedeı únemdelgen.
Eske sala keteıik, Pavlodarda kolledj basshysy 10 jyl boıy bıýdjet qarajatyn jymqyryp kelgen.
