Pavlodarda 26 qaraǵandylyq azamatty azaptaý isi boıynsha tergeý aıaqtaldy

ASTANA. QazAqparat - Arnaıy prokýrorlar basqarmasy Qaraǵandydan pavlodarlyq AP 162/3 kolonııasyna aýystyrylǵan 26 sottalýshyny uryp-soǵýǵa qatysty tergeýdi aıaqtady, dep habarlaıdy pavlodarnews.kz.

Pavlodar oblysy prokýratýrasy arnaıy prokýrorlar basqarmasynyń bastyǵy Áset Sattybaevtyń aıtýynsha, kolonııa qyzmetkerleri qarý retinde tasymaldaýysh taspanyń bir bóligin qoldanǵan. Ásirese, kóp azap kórgen 28 jastaǵy qaraǵandylyq Saıan Muratbekov bas-mı jaraqatynan qaıtys bolǵan.

 "Erekshe nazar aýdarylatyny - sottalýshy «kámeletke tolmaǵandarǵa qatysty jynystyq sıpatta áreket etý» baby boıynsha jazasyn ótegen, - deıdi prokýror. - Azaptaý aıyby boıynsha iste barlyǵy alty adam týraly sóz qozǵalǵan. Olardyń úsheýi - túzetý mekemesi bóliminiń jedel ýákilettileri, úsheýi - kolonııa ákimshiliginiń kómekshileri.

 Áset Sattybaevtyń sózine qaraǵanda, bir jyldyń ishinde dál osy kolonııada eki sottalǵan azamat kóz jumǵan. Qylmystyq atqarý júıesiniń komıteti kolonııada arnaıy tekseris júrgizgennen keıin 10 adam jazalanǵan.